【有片】藝人英文大比拼!陳偉霆、何韻詩、陳法拉大show英文

近來William Chan陳偉霆為品牌用英文拍攝的手錶廣告成為全城熱話,雖然很多人都認為William的英文有點港式,但其實香港有很多明星都有在接受外國傳媒訪問時,展現過他們流利或不流利的英文,到底邊個講英文最好聽?邊個又最難聽?看官自行評價~

▲ Cosmopolitan.com.hk

2. Denise Ho 何韻詩

何韻詩作為香港歌手,對於政治亦非常熱衷,早前佢獲邀到挪威出席「奧斯陸人權論壇」,並發表約長12分鐘的英文演講。佢憶述2014年雨傘運動,令香港人產生了真正的歸屬感,用香港人嘅身份,喺國際間發表一段感人肺腑之言,雖然英文不是非常流利,但佢嗰份心實在太值得欣賞!

▲ Cosmopolitan.com.hk

3. Angelababy 楊穎

提起William,又點可以唔提Angelababy,因為兩人都曾經主持過一個迪士尼的兒童節目嘛~不過我地唔講咁遠,講返近年2016年佢進軍荷里活拍攝《天煞地球反擊戰:復甦紀元》嘅時候,用英文介紹自己嘅角色,其實都幾流利,冇乜港腔,但就有種內地腔,捲脷超級厲害!

▲ Cosmopolitan.com.hk

4. Janice Man 文詠珊

又講起Angelababy,又點可以唔講起Janice Man呢?雖然Janice Man嘅JM tone已經係佢嘅signature,but…其實佢都有認認真真講過英文,雖然只係一句起,兩句止講自己個名,不過好似好過佢用JM tone講好多嘢咁囉…

▲ Cosmopolitan.com.hk

5. Shiga Lin 連詩雅

講起JM tone,另一表表者絕對非Shiga連詩雅莫屬,當年佢拍ViuTV節目《跟住矛盾去旅行》大力show off自己英文,真係引起一時佳話!

▲ Cosmopolitan.com.hk

不過亦都代表其實佢英文真係可以好流利,話哂人地細細個就讀國際學校,身邊同學仔朋友都講英文多,難怪之後有澳洲傳媒訪問佢時全英文嘅訪問令佢一雪前恥!

▲ Cosmopolitan.com.hk

6. Kay Tse 謝安琪

Shiga就有讀過國際學校,但我們最愛的平民天后Kay就完全係土生土長嘅港女,香港大學畢業嘅Kay大學主修美國研究,更擔任英文代課老師,所以英文絕對係香港教育制度下訓練出來!睇返佢2012年Kay以唯一華裔歌手身份,去美國洛杉機行紅地毯出席有份參演嘅百老匯歌舞劇《珍愛沉默的眼淚》首映禮,佢接受外國傳媒訪問時嗰一口流利英文,唔少網民都以為阿Kay去外國留過學㗎!

▲ Cosmopolitan.com.hk

7. Gigi Leung 梁詠琪

同一年,同一個場合,都係2009年亞洲電影大獎上,Gigi都有俾傳媒訪問,但Gigi嘅英文就真係超級流利!睇返佢嘅學業史,Gigi冇讀過大學,亦都冇刻意讀過英文,又冇試過出國留學,但英文都可以咁流利!而家仲嫁埋俾西班牙老公Sergio,所以,事實證明,要英文好,最緊要就係靠自己!

▲ Cosmopolitan.com.hk

8. Fala Chen 陳法拉

土生土長嘅明星,英文程度有好有唔好,不過大部分喺外國浸過咸水返嚟嘅英文都一定係好,分別只在於口音邊個好聽啲㗎啫。啱啱進軍荷里活嘅陳法拉,本身就講得一口流利英文,雖然出身四川,不過因為自14歲時隨家人移居美國,所以英文自然掂!加上佢本身已經係學霸嚟,高中以全校前十名成績畢業,大學又因為成績優異而獲得獎學金,近年再在紐約著名學府茱莉亞學院修讀4年制戲劇碩士課程(Master of Fine Arts)仲要以首位華人獲全A成績榮譽畢業!

▲ Cosmopolitan.com.hk

難怪2010接受荷蘭電視台的訪問時,記者問佢點解會選擇用中文做演出,佢好坦言因為佢就是華人,亦想證明俾大家看美藉華人也能說出一口流利中文。其他港星想講好英文,法拉就想講好中文,如今佢中文、英文都講得咁流利,絕對是真女神!

▲ Cosmopolitan.com.hk

9. Selena Li 李施嬅

同樣係喺外國讀過書,又剛剛開始進軍荷里活嘅來施嬅,英文同樣流利!其實喺佢拍《血與水》之前,2013年佢已經嘗試跳出TVB,去新加坡拍佢第一套英文喜劇《Spouse for House》,當時佢接受電視台訪問時,已經話拍得好開心,不論戲裡戲外,跟演員嘅感情都非常好。不過小編重點在佢講嘅英文,雖然有少少少少嘅港腔,但都聽得非常舒服!

▲ Cosmopolitan.com.hk

10. Nicholas Tse 謝霆鋒

今次引起全越熱話嘅係香港嘅男星,點能夠唔提返最令小編印象深刻,英文口音超好聽嘅Chef le mon 謝霆鋒?當年2013年,謝霆鋒接受香港科技大學管理學院嘅訪問,以全英文拍片回應營商之道!小編記得當年呢條片又係引起全城熱話,但唔係好似陳偉霆William咁引人笑,而係引出「敬佩」,因為大家都冇諗過原來霆鋒英文咁厲害!但其實翻查資料,其實佢自小就喺加拿大溫哥華長大,英文好,不足為奇呀!

睇完10位藝人英文大比拼,你地覺得邊個嘅英文最好聽?邊個英文又……麻麻地呢?

發表回覆

你的電郵地址並不會被公開。

喜歡我們的文章嗎?按個讚吧!

關 閉 視 窗